SAMAKANA: Pakigbisugan Ang Katungod Sa Kababayen-an Sa Panginabuhian!

September 14, 2007 at 5:11 pm | Posted in Uncategorized | Leave a comment

Karong adlawa ang ika-24 ka tuig sa pagkatukod sa Samahan ng Maralitang Kababaihang Nagkakaisa o SAMAKANA. Taas na ang kasaysayan sa atong organisasyon isip timaan sa panaghiusa sa mga kababayen-ang kabus sa syudad.

Mabayanihon ang gipakitang kaisog ug kamilitante sa atong organisasyon diha sa pag-asdang alang sa mga katungod sa kababayen-an. Sa mga isyung pang-ekonomiya, maisugon natong gibarugan ang atong katungod sa pabalay.

Hugot kitang nakighiusa sa pakigbisog sa tanang kabus sa syudad ilabina sa panahon sa demolisyon. Usa kita sa mga pwersang nagdemanda og dugang suholan ug benepisyo sa mga trabahante, ingon man ang pagpangayog panginabuhian alang kanatong mga kabus.

Ang SAMAKANA, kauban ang GABRIELA, naila nga tigpanalipod sa mga katungod sa kababayen-an. Nakigbisog kini batuk sa tanang dagway sa pangdaugdaug sa mga kababayen-an ug mga bata. Kusog ang atong tingog sa panawagan nga hatagan og hustisya ang tanang babayeng biktima sa kapintas sama sa reyp, pagpangulata sa bana, pagharas sa mga kababayen-an diha sa trabaho ug sa komunidad.

Hugot usab nga gibarugan sa SAMAKANA ang pagpanalipod sa tawhanong katungod sa tanang kababayen-ang kabus sama sa pagkondena sa Human Security Act o balaod nga kuno kontra-terorismo. Nakighiusa ang SAMAKANA sa pakigbisog sa mga mag-uuma ug lumad batuk sa militarisasyon nga nagdaut sa ilang kinabuhi ug sa panginabuhian diha sa mga kabukiran.

Apan taliwala sa pagsaulog sa ika-24 nga tuig sa pagkatukod sa SAMAKANA, nagpabiling makaluoy ang kahimtang sa mga kabus sa syudad. Misamot ang kawad-on ug mas midaghan ang kabus ubos sa gobyernong Arroyo.

Sa matag 100 ka nanay, adunay 30 nga walay kayang makakuhag limpyong tubig mainom. Sa kada 100 ka nanay, adunay 40 nga walay kuryente sa ilang pinuy-anan.

Sa kada 100 ka nanay, adunay 60 nga walay disenteng puy-anan, 30 kanila ang walay kasilyas ug 40 sa ila ang dili na makapa-iskwela sa ilang mga anak.

Mas daghan ang walay panginabuhian karon ug samot pang nag-ilaid sa kapit-os ang katawhan tungod kay sumala sa National Statistical Coordination Board (NSCB), ang usa ka pamilyang dunay 6 ka sakop nanginahanglan og P631 kada adlaw aron mabuhing tawhanon ug makakaon tulo ka beses sa usa ka adlaw. Ang gobyerno ni Gloria Macapagal-Arroyo nagpaka-buta-bungol sa kahimtang sa mga kabus.

Gipalabi niini ang pagbayad sa langyawng utang nga mokabat na sa P1.75 trilyon.

Gikan sa nasudnong badyet, awtomatik nga 25% niini o kapin sa P300 bilyon, ang pangbayad utang. Buot ipasabot, matag usa kanato duna nay ginabayarang utang nga P44,307.00. Gisakripisyo niini ang badyet alang sa serbisyong katilingbanon.

Ang badyet kada adlaw kada tawo nagpabiling P0.45 sentabos para sa panglawas ug P5.00 para sa edukasyon. Busa misamot pagdaghan ang mga kabus sa syudad nga mokabat na karon sa 20 milyones sa tibuok nasud.

Luyo sa mga balaod nga nagtagad sa isyu sa kababayen-an ug mga bata, nagpadayon ang pagsaka sa ihap sa mga kaso sa kapintas batuk sa kababayen-an ug mga bata.

Sa unang kwarter lang sa 2007, misaka na sa 40% ang mga kaso sa reyp, itandi sa unang kwarter sa 2006. Misaka usab og 35% ang insidente sa pagpangulata sa asawa ug anak ug ingon man ang mga insidente sa sexual harassment.

Kining tanan nagpakita lang nga bisan anaa nay balaod, magpadayon ang kapintas batuk sa kababayen-an, ilabina sa mga kabus, tungod kay anaa pa ang pagtan-aw nga ang kababayen-an napailalom sa gahum sa kalalakihan.

Dili lang balaod ang solusyon niini kundili ang pag-usab sa panglantaw nga ang kababayen-an magsunud-sunod lang sa gusto sa kalalakihan.

Busa niining ika-24 tuig sa kasaulogan sa SAMAKANA, huptan nato usab ang kaisog nga makigbisog batuk sa tanang pangdaugdaug ug pagpahimulos. Barugan nato ang atong katungod nga mabuhing tawhanon ug malinawon.

Kini makab-ot lang diha sa pag-organisa ug paglihuk natong mga kababayen-ang kabus. Magtuon kita ug militanteng iasdang ang kalihukan sa kababayen-an batuk sa mga babag sa atong paglambo. Ipadahunog nato ang atong mga tingog sa pagsupak sa mga palisiya ug balaod ni GMA nga walay gihatag nga kaayohan kanatong mga kabus. Ibasura ang Human Security Act! Hunungon ang militarisasyon sa kabukiran!

Ipatuman ang tinuod nga Reporma sa yuta ug hatagan og panginabuhian ang mga kabus sa syudad, ingon man ang dugang nga suholan sa mga mamumuo. Mga kababayen-an, molihuk kita aron supakon ug babagan ang mga planong pribatisasyon sa tubig.

Pakigbisugan nato ang dakung badyet alang sa serbisyo sosyal ug molihuk kita aron tapuson ang tanang porma sa kapitas batuk sa kababayen-an ug katawhan. Kondenahon ang gobyernong Arroyo sa halos usa ka libong biktima sa extrajudicial killing nga gipamatay tungod kay nagasupak sa iyang madaugdaugong gobyerno.

Kun nahatag man ang hustisya sa salang pagpangawkaw ni Erap Estrada, walay rason nganong dili husgahan ang salang korapsyon, pagpangawkaw ug pagpamatay ni Arroyo sa katawhang Pilipino. Mga kababayen-an, mag-organisa kita, magtuon ug molihuk alang sa atong kaugmaon ug sa atong mga sumusunod nga kaliwatan.

Napamatud-an sa kasaysayan nga kitang mga kababayen-an usa ka dakung pwersa sa kausaban kun kita maghiusa ug dungan nga molihuk.

Kab-oton nato ang usa ka katilingban nga haruhay ug malinawon tungod kay duna nay pagkaon sa atong lamesa ug wala nay hulga sa kababayen-an ug bata nga mabiktima sa kapintas.

Advertisements

Leave a Comment »

RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.
Entries and comments feeds.

%d bloggers like this: