Basilan, Nakaluksa Pa Rin Sa Pagkawala Ni Wahab Akbar!

November 15, 2007 at 4:32 pm | Posted in 1 | 1 Comment





Mga larawan ng naging kaganapan sa lalawigan ng Basilan sa pagdating ng labi ni Rep. Wahab Akbar nuong Miyerkoles, Nob. 15, 2007. (Mindanao Examiner Photo Service)

BASILAN (Mindanao Examiner / Nov. 15, 2007) – Nakaluksa pa rin maraming Muslim at Kristiyano sa lalawigan ng Basilan, isang dalawang araw matapos na mapatay si Rep. Wahab Akbar.

Napatay ito matapos na sumabog ang isang bomba sa labas lamang ng south entrance ng House of Representatives habang kausap si Sandra Cam, isang kaibigan, ukol sa pondong hinihingi kay Sen. Jingoy Estrada.

“Malungkot pa ang lahat sa naganap at hindi pa rin makapaniwala sa naganap kay Congressman Akbar,” ani Chris Puno, ang provincial spokesman at dating tagapagsalita ni Akbar.

Inamin naman ni Mayor Tahira Ismael, ng bayan ng Lantawan, na tila may abilin na si Akbar bago pa man ito mapaslang. Nuong buhay ay nabanggit ni Akbar na kung sakaling siya ay mapatay ng mga kalaban ay sabihin umano sa mga angkan at tagasunod na huwag gaganti.

“Totoo iyan…sinabi noon ni Congressman Akbar sa akin na kung siya ay mapatay ng tao ay sabihin sa mga kapatid na huwag gaganti,” wika pa ni Ismael na kamag-anakan rin ni Akbar.

Wala pa rin umako sa pambobomba at maging ang pulisya ay nagsabiong patuloy sila sa imbestigasyon. Sinabi ng pulisya na nakalagay sa isang nakaparadang motorsiklo ang bombing sumabog ilang dipa lamang sa kinatatayuan ni Akbar na noon ay pauwi na sana.

Ngunit mabilis naman na umeksena ang military at sinabing trademark ng Abu Sayyaf ang naturang pambobomba. Kasabay naman nito ang biglang pagpapadala ng text mula sa cellphone ang isang nagpakilalang Abu Sayyaf sa ABS-CBN sa Zamboanga upang akuin ang pagpatay.

Lalo lamang nagbigay ito ng malaking duda na posibleng may kinalaman ang militar sa pagpatay kay Akbar. Ito rin ang hinala ng mga kaalyado at malapit kay Akbar sa Basilan dahil isinabit noon ng militar ang dating ustadz sa pagpugot ng ulo sa 14 na sundalo sa bayan ng Al-Barka nitong taon.

Sinasabing isa si Akbar sa mga bumo ng Abu Sayyaf na ang tunay na pangalan ay Al-Harakatul Al-Islamiya na ang ibiog sabihin ay “bearer of the sword.” Itinanggi ito ni Akbar nuong buhay pa. (Mindanao Examiner)

Advertisements

1 Comment »

RSS feed for comments on this post. TrackBack URI

  1. CORRECTION LANG PO, HINDI KAMI NAGLULUKSA!

    You’re making him out as though the guy is some kind of ethereal hero… something which he most definitely IS NOT! A lot of people may have loved him – profited from his rule – but a whole lot more are mighty pleased this all came about.

    Hindi siya bayani, at lalong hindi siya iniidolo ng mga Basilenyo.

    The guy is dead. Leave him alone. The more you portray him as a martyr, the more that you shall hear the truth about him from people who actually lived in the Province he considered to be ‘his own personal playpen’.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.
Entries and comments feeds.

%d bloggers like this: